24吋缸 翻缸前留影

24吋缸都開左一年了，早前為公司準備高級視聽展作展覽真係忙個不停，都無咩時間睇下蝦，現在做完show決定翻缸，翻缸前當然留影一下啦＞o＜

 

 

 

逆滲透RO水機

早前買蝦時同師兄講開水質問題，佢就介紹潮友的逆滲透RO水機能夠幫到我，今日交收使用後，果然堅抽，RO水後調整TDS到100左右直車入缸無飛蝦，以及師兄非常細心的教用（足足講左9個字），有咁專業的師兄同產品，絕對值得推薦給各位蝦友啦！！

清洗後初次RO水後數據：

PH 5.5左右

氯氣 0

TDS 3 - 4

GH 1（其實GH測試唔到，因為一落試劑就轉色，所以只好當1度）
#用開一星期後師兄話出來的RO水會仲靚仔些#

[ 本帖最後由 pepsi88 於 2014-6-17 01:00 AM 編輯 ]

實用相關搜尋: 數據

ADA AQUASKY 601 LED燈 開箱

早兩日「水」記做週年紀念部分貨品特價，小弟一直想換左支24吋GLO T5HO燈，原因不是因為它唔夠光，係因為小弟對ADA LED 燈情有獨鍾，缸連燈都係ADA先可以滿足自己，但價錢偏高一直令到我卻步，但今次有幾會當然不會放過啦 ^_^ ～

玩蝦到現在如何是好？

眼見有師兄爆蝦爆到有幾百隻，每日都要挑蝦，自己唔死就偷笑，到現在真正玩左水族差不多兩年，有蝦仔長大係有但不過唔多，要好像師兄咁樣真係唔知幾時做到，平時唯有自己上網找下文參考一下，但最近交收時同位師兄吹下水問開就建議我不要用食水加入蝦缸，要用就用RO水或者蒸餾水調整後才入缸，因為食水中有物質係會令到水質有種種不同程度影響，除此之外就係濾水流量要多但缸中水流要慢，怕蝦仔會體力不繼死亡，重要有適當地方比佢地匿藏，希望自己跟住做睇下會唔會有所改善，於是當然又係去魚街付出下啦〜_〜!!

1）用作減慢水流及增氧

 

2）蝦隻及辣椒榕補品

3）用作增多蝦仔匿藏地方之用

神秘紅水草

魚街草店買的紅色新水草，老闆話係新品種未有名，不過見幾十蚊又見咁紅就買來試玩下。

辣椒榕近況

小弟缸中共有三棵辣椒榕，當中最近得到小弟寵愛的就係這棵"CO2"，它比買返來時候葉面就更出藍色，現在仲有三個新頭生長中，而其餘兩棵分別係一棵閃電和一棵不知名的，兩棵生長情況都幾滿意，其中不知名的辣椒榕就生到開花，平時睇相就見得多，實物都係第一次見，希望佢地都能快高長大健康生長啦～

魚街戰利品

用開的HAGEN硝化菌用完無晒一排，但公司搬遷及家中小改動忙碌左成個月，昨天終於有些少時間出去魚街走一轉，首選當然係做生意比較老實的氣體樓上舖，玩開水族的朋友一定知我講邊間，之前做慈善義賣一直都無時間上去睇下，其中為慈善命名的辣椒榕，今次終於可以見到佢盧山真面目，見到實物真係愛不惜手，無論色澤形態健康狀況都非常好，重要有新葉及分株，直頭係屈機，除辣椒榕外還買左一間別緻屋仔用來綁莫絲，四眼哥哥仲送左支可水中用膠水比我癡莫絲，臨走前還買多左支細日本2000硝化菌試用一下睇下有幾神~
最後行到魚街尾聲時在水草店執到把平靚正青苔刮，當真出街多破財〜哈哈

最新版（Ver.2.0) 水晶蝦 及 虎紋蝦 品種級數圖

新一年送比大家一張來自網上一張最新版（Ver.2.0) 水晶蝦 及 虎紋蝦 品種級數圖，提供更詳盡更豐富的資料給各位〜

馬年 祝各位兒孫滿地、五代同堂〜

新一年新開始祝各位師兄個缸馬年兒孫滿地、五代同堂、身壯力健〜

24吋缸重新後狀況

最近都好少更新一下個blog，因為早前一日內連續死左六隻寶貝心情都有些低落，但經過差不多一個月時間的回復，現在都開始再穩定返，已經連續兩三個星期無死蝦了，最重要係仲有母蝦抱卵及蝦仔出世，而且之前出世的蝦b都長大得不錯。
今次修護個缸的方法都主要係移動過些鳳尾苔沉木來增加蝦隻可以依附及藏匿空間，因為之前死蝦都係蝦隻脫完殼後第二早就死亡，水質及硬度就十分之正常，相信係我缸中公蝦偏多有關（比例大係7：3左右，無計因為蝦係上網買的，公多過母），睇過一些資料顯示，公蝦係會攻擊其他公蝦來減低競爭，剛剛由幼蝦轉做成蝦（大約1.2 - 1.4cm左右開始）的就比較容易被其他成長的公蝦殺害，所以增加依附空間係必要的，其間都不換水只加水，水都係曝氣後調校至TDS 120-130再加硝化菌才落缸，燈照6 - 7個小時，少餵糧及加適量微生物之素，最重要係不多手為妙。

新年快樂2014 〜

新一年新開始，希望各師兄身體健康，蝦仔長爆長有健康長大 Yeah 〜