並聯缸解說

家中的14吋+14吋並聯缸解說：

首先兩缸都係各自濾筒運行，只係中間用水妖交換水流作互通之用，目的係要令到兩缸水質及溫度一致，而前面中間是用自製U型喉作水位平衡，防止其中一邊水位過高，由於這個系統係並聯缸，唔係串聯，只要兩個水妖出水量一致，就算無左U型喉都不會立即出事，因為主水流交換不是由U型喉工作的，而係水妖工作的，所以在並聯上U型喉只不過是保險及水位平衡之用。

另外想U型喉發揮作用是要用到虹吸原理，必須令U型喉中沒有空氣才能工作，所以在U型喉頂部加裝氣喉同閘門，目的係用氣喉把多餘空氣吸走，而氣喉尾部是係有開關掣的，U型喉注滿去後關閉閘門，完成。

重要提示 ：氣泵要用一開二連接各水妖，仲要各自要有得調校出氣量，咁樣就唔怕一邊出水多一邊出水少，以及萬一氣泵壞左都唔會只有其中一邊有水出，導致滿到一地水^^