中椒毒

昨日手痕痕同網上師兄買左棵辣椒榕試下玩下，雖然不知道真正姓名，不過見佢靚就買左返來，落水後都真係幾鐘意，看來我開始中左「椒」了

新翻兩個14吋缸

早前為了踏入秋季準備爆殖而依依不捨地翻了14吋加14吋並聯缸，但因沒有太多時間，所以只開返一個14吋缸玩極火，做景就用ADA粗幼泥加莫絲同少量水草，不過我超玩野用微量元素把TDS較到去800以上，GH就無度過，不過一定過10度，出來的極火比之前增紅了不少；

而另外一個14吋就清缸只養水，一直無理佢，點知昨日有少少時間又心思思咁手多多再度開返個14吋缸，不過今次不是打橫放係攪攪新意思打直放，前景放熔岩石，後景放泥同沉木，決定把前缸的極火蝦搬遷過來這缸，留空上圖果個缸，打算將來放淘汰水晶蝦，不過兩缸水質又要重新設定一下吧！

台灣 Ellen姐寄來的禮物^^

早前的十四吋並聯缸參加左台灣一個好著名的facebook網站設缸比賽好運地勝出了第一名，獎品係ELLEN姐送出的水晶蝦書籍一本，有玩開水晶蝦的朋友都應該知道她是誰了，月前收到台灣寄來的獎品，ELLEN仲在書上簽上大名（真係開心），最重要係可以在家人面前威下，不用比人成日話「玩咁耐蝦都係得個吉」，各位蝦友加油呀...！

新設24吋ADA水晶缸 之 開缸過程記錄

早一個月第一次新開左個24吋ADA水晶缸，係因為發覺舊的14吋並聯缸蝦B成長生存率低，飼養數量已經超過極限，同時又開始進入秋天爆殖期，所以決定開個大缸玩下，最重要係得到家人的不反對通知書，咁就拿拿臨買料開缸，但由於係第一次玩大缸，所有野都要重新買過，荷包出血程度可謂嚴重，不過最重要開心，間中一次無所謂啦^o^

 

未開封的24吋ADA水晶缸

原裝ADA附件

底材舖滿MA s生物環

所有泥都要用筲箕篩走泥粉

在生物環上舖上ADA粗泥

再舖滿腐植酸原粉

把太古海泥原石打碎

灑上太古海泥粉

後用ADA幼泥覆蓋

放置水草及沉木後放水

大約等一日水清後放硝化菌再打大氣

一個月後放合適水草後景況

水晶蝦 及 虎紋蝦 品種級數圖

在網上見到張圖真係大開眼界，講多無謂睇圖最實際，養蝦必備聖物！

各種蝦類的飼養數據參考

在網上發現一些蝦類的飼養數據圖片，在這分享給大家參考，希望各位師兄有用^^

並聯缸解說

家中的14吋+14吋並聯缸解說：

首先兩缸都係各自濾筒運行，只係中間用水妖交換水流作互通之用，目的係要令到兩缸水質及溫度一致，而前面中間是用自製U型喉作水位平衡，防止其中一邊水位過高，由於這個系統係並聯缸，唔係串聯，只要兩個水妖出水量一致，就算無左U型喉都不會立即出事，因為主水流交換不是由U型喉工作的，而係水妖工作的，所以在並聯上U型喉只不過是保險及水位平衡之用。

另外想U型喉發揮作用是要用到虹吸原理，必須令U型喉中沒有空氣才能工作，所以在U型喉頂部加裝氣喉同閘門，目的係用氣喉把多餘空氣吸走，而氣喉尾部是係有開關掣的，U型喉注滿去後關閉閘門，完成。

重要提示 ：氣泵要用一開二連接各水妖，仲要各自要有得調校出氣量，咁樣就唔怕一邊出水多一邊出水少，以及萬一氣泵壞左都唔會只有其中一邊有水出，導致滿到一地水^^

兩個14吋水晶並聯缸

分享一下之前的兩個14吋水晶並聯缸先，最初接觸水族可能都有五六年了，其中識得玩大約年幾前才開始，開始時平平地買個V仔14吋水晶缸玩下，玩玩下幾個月發覺著左魔，再同朋友收左個ADA 14吋缸分兩缸玩，後尾想水質同溫度一致，所以決定高難道挑戰！

歡迎光臨〜

初開部落格〜

玩水族一年多，終於開左個blog，希望一直會寫落去啦^^