新翻兩個14吋缸

早前為了踏入秋季準備爆殖而依依不捨地翻了14吋加14吋並聯缸，但因沒有太多時間，所以只開返一個14吋缸玩極火，做景就用ADA粗幼泥加莫絲同少量水草，不過我超玩野用微量元素把TDS較到去800以上，GH就無度過，不過一定過10度，出來的極火比之前增紅了不少；

而另外一個14吋就清缸只養水，一直無理佢，點知昨日有少少時間又心思思咁手多多再度開返個14吋缸，不過今次不是打橫放係攪攪新意思打直放，前景放熔岩石，後景放泥同沉木，決定把前缸的極火蝦搬遷過來這缸，留空上圖果個缸，打算將來放淘汰水晶蝦，不過兩缸水質又要重新設定一下吧！