又死蝦

昨日真係傷亡慘重，24吋缸一日內前前後後一共死左六隻成蝦，有一隻藍金，兩雙抱卵紅水晶，三隻紅水晶公，死蝦前兩日一早就見到幾隻蝦殼，之後就發現部份蝦反應慢及身體開始透明，但這幾天就只有補回已曝氣多日的養水，而養水係絕對無問題的，因為同時加進其他缸中都無死蝦及異樣，數據正常到唔正常，開缸四個月，PH 6.6 , GH 6 , KH 2 , TDS 206 , TEMP 24度 , NO3 3至5mg/L , 燈照7小時左右 , 有少量啡藻，之前十一月都試過有幾日連續間中死蝦，現唯有加大供氣，落HAGEN硝化菌,光合硝化菌及底床還原菌睇下情況如何再決定下一步。